Ku nshuro yaryo yambere kuri uyu munsi hatangiye irushanwa rya Liberation cup cg se irushanwa ryo Kwibuhora mu mukino wa volleyball. Ni imikino yitabiriwe mu byiciro bibiri: abagabo n’abari n’abategarugori. Kuri uyu munsi hakinwe imikino yo mu matsinda hanyuma ku munsi w’ejo hazakinwa imikino ya 1/2, umwanya wa gatatu na final mu byiciro byombi.
Uko imikino kuri uyu munsi yarangiye ubwo yakinwaga mu matsinda. Mu bagabo mu itsinda A ryakiniraga mu nzu y’imikino (Gymnase) ya Kimisagara: Police VC 3-1 IPRC Ngoma, Police VC 2-3 Gisagara VC, Gisagara 3-0 vs IPRC Ngoma. Naho mu itsinda B ryakiniye Wellspring Academy Nyarutama: APR 3-0 KVC, APR 3-0 REG VC, KVC 1-3 REG VC.
Mu bari n’abategarugori itsinda rya A ryakiniraga muri Ecole des Anges Remera: APR WVC 3-0 IPRC Kigali, Ruhango 3-0 IPRC Kigali, APR WVC 3-0 Ruhango. Naho mu itsinda B ryakiniye ku kibuga cya Kimironko: Police WVC 3-0 IPRC Huye, RRA WVC 2-3 Police WVC, RRA WVC 3-0 IPRC Huye. Imikino yose ikaba yatangiye saa 10:00 za mu gitondo ndetse ni imikino yanakurikiraniwe bugufi n’umutoza w’ikipe y’igihugu y’u Rwanda mu mukino wa volleyball Paulo De Talso Milagres uherutse kugera mu Rwanda ndetse n’umushoramari wanabaye perezida wa Rayon Sports Sadate MUNYAKAZI.
Imikino ya 1/2 kirangiza ndetse n’umukino wanyuma ikaba izakinwa ku munsi w’ejo ndetse yose ikabera muri BK Arena. Mu bagabo ikipe ya Gisagara VC izahura na REG VC, APR VC ihure na Police VC. Naho mu bari n’abategarugori ikipe ya Police WVC izahura na Ruhango VC, hanyuma APR WVC ihure na RRA WVC. Kwinjira ni ubuntu ndetse abarimo umuhanzi Platini P n’umuvangamuziki (DJ) Alpha nibo bazasusurutsa abazitabira iyi mikino.
