Umukinnyi w’umwongereza Mason Mount ukina mu kibuga hagati mu ikipe ya Chelsea bitegerejwe ko ari bukore isuzuma ry’ubuzima mu ikipe ya Manchester United kuri uyu munsi.
Uyu musore usanzwe ukinira ikipe ya Chelsea yo mu gihugu cy’Ubwongereza nyuma yo kwifuzwa bikomeye na Manchester United ubu bisa nk’ibyarangiye, kuri miliyoni €55 ndetse n’izindi miliyoni €5 zizahabwa Chelsea bitewe n’uko yitwaye, bitegerejwe ko uyu munsi wo ku wambere tariki ya 3 Nyakanga 2023 akora isuzuma ry’ubuzima hanyuma agasinya amasezerano y’imyaka itanu ishobora kongerwaho undi mwaka umwe mu ikipe ya Manchester United, bivuze ko ari amasezerano azamugeza muri 2028.
Mason Mount w’imyaka 24 yageze mu ikipe ya Chelsea nkuru muri 2017 nyuma yo kuva mu ikipe y’abato. Mu mikino 195 yakiniye Chelsea yayitsindiye ibitego 33, atanga imipira ivamo ibitego 37, ntawashidikanya ko ikipe ya Manchester United ikomeje kugerageza kwiyubaka idasinyishije umukinnyi mwiza.
