Al-Hilal yo muri Saudi Arabia ni ikipe yigaragaje cyane muri iri soko ry’igura n’igurisha kuko yamaze kwibikaho abarimo umukinnyi wo mu kibuga hagati Rúben Neves, myugariro Kalidou Koulibaly, rutahizamu Moussa Marega na Sergej Milinković-Savić ukina hagati mu ikipe ya Lazio w’imyaka 28 bisa nk’ibyarangiye. Kuri ubu iyi kipe yerekeje amaso kuri rutahizamu ukomoka muri Serbia Aleksandar Mitrović.
Aleksandar Mitrović w’imyaka 28 asanzwe akinira ikipe ya Fulham mu gihugu cy’ubwongereza, aho akina nkarutahizamu. Mitrović yageze muri Fulham 2018 nyuma yo kuva muri Newcastle United. Mu mwaka ushize w’imikino, uyu musore yatsinze ibitego 21 atanga imipira 3 ivamo ibitego mu mikino 35 yakiniye Fulham City mu marushanwa yose. Al-Hilal ikaba yamaze kwegera Fulham yifuza uyu musore kuri miliyoni £30, bikaba biteganyijwe ko Fulham itari bwemere aya mafaranga kuko ari make gusa ngo Al-Hilal nayo yiteguye gukomeza guhatiriza.
