Nyuma yaho abakinnyi bakomeye ku mugabane w’iburayi bakomeje kwerekeza muri Shampiyona y’ikiciro cyambere mu mupira w’amaguru muri Saudi Arabia, kuri ubu utahiwe ni rutahizamu unyura ku ruhande ukomoka muri Algeria, ukinira ikipe ya Manchester City Riyad Mahrez.
Riyad Mahrez ni umusore w’imyaka 32 wageze mu ikipe ya Manchester City muri 2018 avuye muri Leicester City zose zo mu gihugu cy’Ubwongereza. Mu mikino 236 amaze gukinira Manchester City akaba yaratsinze ibitego 78 atanga imipira ivamo ibitego 59. Ku ruhande rwa Mahrez we ngo yumva ko cyaba aricyo gihe cyo kugenda ngo ndetse mu gihe umutoza we Pep Guadiola yabiha umugisha, uyu mukinnyi yakwekeza mu burasirazuba bwo hagati mu gihugu cya Saudi Arabia.
Nk’uko tubikesha ikinyamakuru The Sun cyo mu gihugu cy’Ubwongereza kivuga ko mu gihe uyu musore w’umwarabu yakwerekeza mu barabu mu ikipe ya Al-Ahli iherutse gusinyisha abarimo Édouard Mendy na Robert Firmino yajya ahembwa ibihumbi £410(pounds) ku cyumweru.
