Umukinnyi ukiri muto w’imyaka 23 wakinaga mu ikipe ya AC Milan yo mu gihugu cy’ubutaliyani (Italy) yamaze kugurwa n’ikipe ya Newcastle United yo mu gihugu cy’Ubwongereza. Uyu musore ukina mu kibuga hagati uzwi nka Sandro Tonali akaba yahise yandika amateka yo kuba umukinnyi wambere ukomoka mu Butaliyani uhenze cyane kurusha abandi bakinnyi bose bakomoka muri iki gihugu.
Dore abakinnyi bakomoka muri Italy bahenze cyane kurusha abandi mu mateka y’umupira w’amaguru.
1. Sandro Tonali
Uyu musore ukina mu kibuga hagati ikipe ya Newcastle United ikaba yamuguze imuvanye mu ikipe ya AC Milan kuri miliyoni €70.
2. Jorginho
Uyu musore wo mu kibuga hagati akaba yaraguzwe n’ikipe ya Chelsea imuvanye mu ikipe ya Napoli kuri miliyoni €57. Ubu akina mu ikipe ya Arsenal.
3. Gianluigi Buffon
Uyu muzamu ubu ufite imyaka 45 nawe akaba yarabaye umutaliyani uhenze ubwo yavaga mu ikipe ya Parma ajya mu ikipe ya Juventus kuri miliyoni €52.9. Ubu n’ubundi akina muri Parma ariko ubu iri mu kiciro cya kabiri mu. Butaliyani.
4. Christian Vieri
Uyu mugabo waruzwi nka “Bobo” wakinaga mu kibuga hagati nawe akaba yarahenze kuko yaguzwe miliyoni €46.5 ubwo yavaga mu ikipe ya Lazio Rome yerekeza mu ikipe ya Inter Milan. Ubu yasezeye ku mupira w’amaguru nk’uwabigize umwuga.
5. Federico. Chiesa
Uyu musore ukina ku ruhande asatira akaba ariwe mukinnyi wa 5 w’umutaliyani wahenze cyane kurusha abandi ubwo yavaga mu ikipe ya Fiorentina yerekeza muri Juventus kuri miliyoni €42.5. Nanubu aracyakina muri Juventus.
Uru nirwo rutonde rw’abakinnyi bakomoka muri Italy bamaze guhenda kurusha abandi mu mateka y’umupira w’amaguru. Sandro Tonali rero akaba yahise yandika amateka yo kuba umutaliyani uhenze cyane kurusha abandi.
