Rutahizamu akaba na kapiteni w’ikipe y’igihugu y’Ubwongereza Harry Kane ni umukinnyi w’ikipe ya Tottehnam Hostspur ukina asatira izamu. Ubuhanga bwe ntibushidikanywaho cyane ko ari nawe mukinnyi watsindiye ikipe y’igihugu y’Ubwongereza ibitego byinshi kuko yayitsindiye ibitego 58 ndetse niwe mukinnyi wa kabiri watsinze ibitego byinshi muri shampiyona y’igihugu y’Ubwongereza kuva aho yatangiye gukinirwa kuko yatsinze ibitego 213 aho arushwa ibitego 47 na Alan Shearer uhiga abandi mu gutsinda ibitego byinshi muri iyi shampiyona aho we yatsinze ibitego 260. Harry Kane nk’umwongereza benshi mu bungereza bifuzaga ko yaguma mu Bwongereza, amakuru akamwerekeza mu ikipe ya Manchester United na Chelsea gusa umuyobozi w’ikipe ya Tottenham Hotspur nawe agakomeza kugorana avuga ko batiteguye gutanga uyu musore mu ikipe y’indi yo mu Bwongereza.
Ni kenshi Harry Kane yagezwe amajanja n’andi makipe gusa ikipe ya Tottenham Hotspur ikomeza kumuryamaho. Kuri iyi nshuro ikipe ya Bayern Munich ikeneye umwataka bikomeye ikaba yamaze gutanga amafaranga miliyoni ÂŁ86 kuri uyu musore bivuze ko ari amafaranga agera kuri miliyoni €100 ndetse niwe mukinnyi waba uguzwe amafaranga menshi mu mateka y’iyi kipe ya Tottenham Hotspur. Ibinyamakuru byinshi byakomeje guhamya ko bititeze kubona ikipe ya Tottenham Hostspur yanga aya mafaranga. Harry Kane wifuza kubona ibijyanye nawe birangira muri iki cyumweru isaha n’isaha ashobora kwerekeza mu gihugu cy’Ubudage mu ikipe ya Bayern Munich.
