Uyu mubiligi ukomoka muri DR Congo yageze mu ikipe ya Chelsea 2021 aguzwe mu ikipe ya Inter Milan, yari yitezweho umusaruro kuko iyi kipe yarikeneye rutahizamu gusa biza kutamukundira biba ngombwa ko iyi kipe ya Chelsea ihita imutiza muri Inter Milan n’ubundi.
Kugeza ubu Lukaku aracyari umukinnyi wa Chelsea ndetse biteganyijwe ko ubwo iyi kipe izasubukura imyitozo tariki ya 17 Nyakanga, Lukaku agomba gutangirana imyitozo n’abandi bakinnyi b’iyi kipe. Ikipe ya Inter Milan iracyagerageza kureba ko yakongera kwibikaho uyu rutahizamu w’imyaka 30 gusa kumvikana na Chelsea bisa nk’ibyanananiranye n’ubwo igikora iyo bwabaga, Inter Milan itanga miliyoni £35 mu gihe Chelsea yo imushakamo miliyoni £40. Amakipe yo muri Saudi Arabia nka Al Hilal nayo yifuzaga uyu rutahizamu gusa we avuga ko ataricyo gihe cyo kuba yaganayo, ikipe ya Juventus nayo igaragaza ko imwifuza. Ku ruhande rwa Chelsea yiteguye kurekura uyu rutahizamu muri iyi mpeshyi ntakabuza. Romelu Lukaku nawe ubusanzwe uhembwa £140,000 ku cyumweru mu ikipe ya Chelsea ngo nawe aremera kugabanya akajya ku £120,000 ariko ngo akunde age muri Inter Milan, muri rusange amafaranga yemera guhomba ni miliyoni £1 ku mwaka.
