Rutahizamu w’umubiligi ariko ukomoka muri DR Congo Romelu Lukaku akomeje kuba inkuru ku isoko ry’igura n’igurisha. Lukaku yaguzwe n’ikipe ya Chelsea avuye mu ikipe ya Inter de Milan gusa ntiyahiriye Chelsea kuko byarangiye bongeye kumutiza mu ikipe ya Inter. Lukaku w’imyaka 30 yifuzwaga n’ikipe ya Inter ndetse nawe ari yo yifuza gusa kuko Chelsea yakomeje kugorana ishaka miliyoni £40 ni mu gihe ikipe ya Inter yo yatangaga miliyoni £35, ibi byatumye Inter iva mu byo gusubirana Lukaku.
Nyuma y’uko Inter ivuye mu byo gusinyisha Lukaku ikipe nayo yo mu Butaliyani yamwifuzaga cyane ni Juventus de Turin, ibi byayongereye amahirwe yo kuba yamusinyisha ndetse kuko Lukaku nawe ashaka kuguma ku mugabane w’iburayi arabona ko ntayandi mahitamo. Mu gihe Romelu Lukaku rero yasinyira ikipe ya Juventus, nayo yakwemera kurekura rutahizamu ukomoka muri Serbia Dusan Vlahovic akerekeza mu Bufaransa mu ikipe ya Paris Saint Germain iri kumwifuza bikomeye.
