Paul Pogba ni umukinnyi ukomoka muri Guinea gusa ukinira ubufaransa. Uyu musore w’imyaka 31 ukina mu kibuga hagati yavuye muri Manchester United ajya muri Juventus asubira muri Manchester United ku kayabo ka miliyoni €105 aho yamaze imyaka 6, atandukana n’iyi kipe muri 2022 agaruka muri Juventus de Turin.
Nyuma yo kugaruka muri Juventus, Paul Pogba ntabwo yahiriwe ahanini biturutse ku mvune yagize. Mu mwaka ushize w’imikino wa 2022/23, Pogba yakiniye Juventus imikino 10 gusa mu marushanwa yose, atanga umupira umwe wavuyemo igitego. Kuri ubu Juventus yamaze kwemeza ko uwazana miliyoni €10 (euros) ntakabuza yakwigukana uyu musore wo mu kibuga hagati. Amakipe yo muri Saudi Arabia niyo agaragaza gushaka Pogba harimo Al-Ahli na Al-Ittihad.
