Myugaruro w’umwongereza ukinira ikipe ya Manchester United ari mu nzira zimwerekeza mu ikipe ya West Ham United. Kuva aho ikipe ya Manchester United izaniye umutoza w’umuholandi Erik Ten Hag ntabwo yigeze agirira ikizere Harry Maguire w’imyaka 30 ngo abe yamubanza mu kibuga ku buryo uyu mukinnyi yabanje mu kibuga inshuro 16 gusa mu mwaka ushize w’imikino wa 2022/23, ibyo byararenze uyu mutoza anamwaka igitambaro cya kapiteni w’iyi kipe agiha umunya-Portugal Bruno Fernandes.
Mu gukomatana bigaragaza neza ko Erik Ten Hag adafite Maguire mu mishinga ye, ni mu gihe Maguire we aba akeneye gukina cyane ko n’ubwo muri Manchester United atakigirirwa ikizere, mu ikipe y’igihugu y’Ubwongereza itozwa na Gareth Southgate ho abanza mu kibuga. Uyu musore kuri ubu akaba yifuzwa n’ikipe ya West Ham United ndetse yiteguye gutanga miliyoni ÂŁ30 kuri uyu musore ni mu gihe nyamara yaguzwe miliyoni ÂŁ80 muri 2019 ubwo yazaga muri iyi kipe ya Manchester United 2019 avuye mu ikipe ya Leicester City. Ubwumvikane bw’ibanze bukaba bwabaye hagati y’amakipe yombi kuri uyu myugariro.
Si uyu mukinnyi West Ham United ishaka gusa kuko kuri ubu yamaze no kumvikana n’ikipe ya Southampton yamanutse mu kiciro cya kabiri kuri kapiteni wayo ukina mu kibuga hagati James Ward-Prowse umenyerewe mu gutsinda imipira y’imiterekano, uyu nawe akaba azatangwaho miliyoni ÂŁ30. Ku rundi ruhande ariko umukinnyi wo mu kibuga hagati wa West United ukomoka muri Brazil Lucas Paquetá nawe arifuzwa bikomeye n’ikipe ya Manchester City ndetse nawe ubwe arashaka kuba yayerekezamo gusa biragoye kuko ikipe ya Manchester City iri gutanga miliyoni ÂŁ70 mu gihe ikipe ya West Ham United yo ivuga ko ari make.
