Umunyabigwi w’ikipe ya Liverpool akaba n’umutoza w’ikipe ya Al-Ettifaq yo muri Saudi Pro League muri Saudi Arabia, kuva mu minsi yashize aho agiriwe umutoza w’iyi kipe ntiyahwemye kugaragaza ko ashaka captain w’ikipe ya Liverpool ukina mu kibuga hagati Jordan Henderson. Ubwumvikane hagati y’amakipe yombi bwo bwamaze kujya mbere kuri uyu musore, kuri miliyoni £12 Henderson arerekeza mu ikipe ya Al-Ettifaq.
Mu biganiro umwongereza Jordan Henderson w’imyaka 33 yagiranye n’umutoza we Jurgen Klopp byagenze neza ndetse yemerera uyu musore kuba yakwigendera. Ikimenyetso ntakuka ko uyu musore agomba kuva muri Liverpool yaramazemo imyaka 12 ni uko atanagaragaye mu mukino wa gishuti iyi kipe yakinnye ku munsi wo ku wa gatatu aho yatsinze Karlsruher SC ibitego 4-2. Andi makuru ari muri Liverpool ni uko nyuma y’uko ibya Henderson biba biciyemo ngo harakurikiraho iby’umukinnyi wo mu kibuga hagati ukomoka muri Brazil Fabinho nawe wifuzwa bikomeye na Al-Ettihad nayo yo muri Saudi Arabia.
