Umutoza w’ikipe ya FC Barcelona Xavi Hernandez biravugwa ko yifuza umunya-argentine wo mu kibuga hagati w’ikipe ya Tottenham Hotspur gusa akaba ari intizanyo muri Villarreal Giovani Lo Celso.
Lo Celso w’imyaka 26 yageze muri Villarreal umwaka ushize w’imikino nk’intizanyo ya Tottenham Hotspur yo mu Bwongereza, gusa uyu musore ntibyamugendekeye neza ahanini biturutse ku mvune kuko yakinnye imikino 22 yonyine mu mikino 38, ndetse imvune zatumye avanwa mu bakinnyi ikipe y’igihugu ya Argentina yagombaga kujyana mu gikombe k’isi yanegukanye. Si FC Barcelona yifuza Lo Celso gusa kuko n’andi makipe nka Aston Villa na Real Betis zose zifuza uyu musore. Si Lo Celso wenyine FC Barcelona ishaka gusinyisha, ahubwo irashaka na João Cancelo wa Manchester City na Oriol Romeu w’imyaka 31 ukinira Girona mu kibuga hagati.
