Ikipe ya Al-Hilal yo muri Saudi Pro League muri Saudi Arabia isanzwemo abarimo Ruben Neves yakuye muri Wolverhampton Wanderers mu Bwongereza, Sergej Milinkovic-Savic yakuye muri Lazio Rome mu Butaliyani, Kalidou Koulibaly yakuye muri Chelsea, Malcom yakuye muri Zenit mu Burusiya na Moussa Marega n’abandi, yanamaze kumvikana na Neymar Junior de Santos ikomeje kwiyubaka.
Kuri ubu Al-Hilal izwi ku mabara y’umweru n’ubururu yamaze kumvikana na rutahizamu ukomoka muri Serbia usanzwe ukinira ikipe ya Fulham yo mu gihugu cy’Ubwongereza Aleksandar Mitrović w’imyaka 28 y’amavuko. Al-Hilal ikaba yatanze miliyoni £50 kuri uyu musore nyuma y’uko Fulham yanze miliyoni £25 yari yabanje guhabwa.
Aleksandar Mitrović ntiyigeze agaragara mu mikino ya gishuti ikipe ya Fulham yakinnye ndetse umutoza wayo Marco Silva yavuze ko byaterwaga n’uko ibyiwe byari bitarasobanuka, ndetse ubwo shampiyona yatangiraga uyu musore ntiyigeze agaragara mu bakinnyi ba Fulham ubwo iyi kipe yatsindwaga na Brentford mu mukino wa kabiri wa shampiyona y’igihugu y’Ubwongereza Premier League.
Mu myaka itanu n’igice Aleksandar Mitrović yaramaza muri Fulham FC yayitsindiye ibitego 111 mu mikino 206 yayikiniye. Fulham FC nayo yamaze kwemeza ko Mitrović yamaze kujya muri Al-Hilal ndetse imwifuriz amahirwe n’imigisha.
