Sosiyete y’ubwikorezi bwo mu kirere ya Rwandair yatangaje ko igiye guhagarika ingendo zose ziva, zikanajya muri Cape Town muri Afurika y’Epfo.
Mu itangazo Rwandair yasohoye kuri uyu wa kabiri tariki 17 Nzeri 2024 yavuze ko izahagarika ingendo zose zo muri Cape Town kuva tariki 27 Ukwakira 2024.
Rwandair yibukije abakiriya bayo baba bafite amatike yo muri icyo gihe ko babivuga hakiri kare kugira ngo bafashwe, cyakoze impamvu nyamukuru yatumye izi ngendo zihagarara ntiyigeze itangazwa.
Rwandair yatangiye gukora ingendo zo muri Cape Town muri 2018, ni ingendo zanyuraga Harare muri Zimbabwe.
