Umunya-Croatia Luka Modrić yongeye amasezerano y’umwaka umwe azamugeza muri Kamena 2025 mu ikipe ya Real Madrid anagirwa kapiteni w’iyi kipe.
Luka Modrić yageze muri Real Madrid muri 2012 avuye muri Tottenham Hotspur yo mu Bwongereza.
Modrić w’imyaka 38 y’amavuko yagiriye ibihe byiza muri Real Madrid aho amaze gutwara n’iyi kipe ibikombe 26 birimo ibikombe bitandatu bya UEFA Champions Leagues, Ibikombe bitanu bya Club World Cup, Ibikombe bine bya European Super Cup, Ibikombe bine bya shampiyona ya Espagne, Ibikombe bibiri by’umwami (Copa del Rey) n’ibikombe bitanu biruta ibindi muri Espagne (Spanish Super Cup).
Uretse ibikombe yatwaye mu ikipe ya Real Madrid, Modrić yanatwaye ibihembo bye ku giti ke birimo ballon d’or, umukinnyi w’umwaka wa FIFA n’umukinnyi w’umwaka wa UEFA byose yatwaye muri 2018.
Mu mikino 534 Modrić amaze gukinira ikipe ya Real Madrid, yayitsindiye ibitego 39, atanga imipira 86 yavuyemo ibitego.
