Mu birwa bya Maldives bibarizwa ku mugabane w’Aziya abadepite barwaniye mu Nteko ishinga amategeko biratinda bapfa amatora yo kwemeza abaminisitiri bagomba kujya muri guverinoma ya Perezida Mohamed Muizzu.
Mu mashusho yasakajwe ku mbugankoranyambaga agaragaza abadepite baterana ingumi n’imidugararo ari yose mu Nteko ishinga amategeko. Ibi bikaba byarabaye kuri iki cyumweru tariki 28 Mutarama 2024.
Abarwana nk’uko bigaragara mu mashusho ni abadepeite baturuka mu mitwe itandukanye ya Politike barimo abo mu ishyaka rya People’s National Congress (PNC), Progressive Party of Maldives (PPM), n’ishyaka ry’abatavuga rumwe n’ubutegetsi rya Maldivian Democratic Party (MDP).
Benshi mu babonye ibi babinenze cyane bavuga ko ibintu nk’ibi bidakwiriye intumwa za rubanda.
