Dore aho bigereje Leta ya Congo yahisemo kubishyira mumuhezo ngo hatagira ubangamira urubanza ngo kuko ibitego baregwa biremereye.
Urukiko Rukuru rwa Gisirikare i Kinshasa rwemeje, kuri uyu wa Kane, itariki ya 20 Werurwe, ko iburanisha ry’urubanza rw’abasirikare bakuru ba FARDC na Polisi y’igihugu cya bashinjwa cyane cyane guhunga umwanzi, M23, no guta ibikoresho i Goma na Bukavu rizakomereza mu muhezo mu gihe ubwo ryatangiraga kuwa 13 Werurwe 2025 ryari ryashyizwe mu ruhame.
Ni iburanishwa ryabaye aho abanyamakuru hamwe n’imiryango w’abaregwa babujijwe kwitabira iburanisha. Mu rubanza rwaciwe ako kanya mu iburanisha ryo ku wa kane, Urukiko Rukuru rwatangaje ko rwasanze icyifuzo cy’ubwunganizi gisaba kujyana iburanisha mu muhezo kubera uburemere bw’iyi dosiye gifite ishingiro, bityo rubuza ko rukomereza mu ruhame.
Kuri Me Bokolombe Tshitsha, umwe mu bunganira abaregwa bahagarariye inyungu z’abaregwa Gen. Major Dieu-Gentil Alengbia, Komanda w’akarere ka gisirikare ka 34, na Eddy Mukuna, Komiseri wungirije wa polisi muri Kivu y’Amajyaruguru, iki cyemezo cyari gikenewe nubwo ibyaha abaregwa bashinjwa byamaze kujya ku karubanda.