Ku gicamunsi cyo kuri uyu wa 27 Kamena 2022 nibwo hamenyekanye inkuru mbi y’urupfu rwa Mzee Kassim Murenzi, se Murenzi Abdallah, Perezida w’Ishyirahamwe ry’Umukino w’amagare, FERWACY.
Umwe mu banyamuryango ba nyakwigendera yabwiye abanyamakuru ko Mzee Kassim arwariye mu bitaro bya Kanyinya mu minsi ishize.
Ati “Kassim yari amaze iminsi arwaye indwara zitandukanye, yitabye Imana ari mu Bitaro.”
Uriya munyamuryango wa nyakwigendera Mzee Kassim wari usanzwe ari umuyoboke w’idini ya Islam yakomeje avuga ko biteganyijwe ko yashyinguwe taliki 28 Kamena, 2022.
Nyakwigendera Mzee Kassim yabaye umukinnyi ukomeye wa Rayon Sports, akaba yarayikiniye imyaka igera kuri 17, (1970 -1987) bivugwa ko ari we wayikiniye imyaka myinshi kurusha abandi.
Kassim asize abana 8, ni we watangije academy k’ikipe ya Rayon Sports ibarizwa i Nyanza itozwa na Mbungira Ismael.
Umutoza Mbungira yabwiye abanyamakury ko babanye neza na Mzee Kassim ari we wamwinjije gutoza.
Yavukaga mu Kagari ka Kavumu, mu Murenge wa Busasamana mu Karere ka Nyanza ahazwi nk’i Mugandamure.
