Jeff Bezos ufite isoko rikorera kuri murandasi rya Amazon n’uruganda rwa Tesla yabaye umuherwe wa mbere ku isi aciye kuri Elon Musk.
Nk’uko byatangajwe na Bloomberg Billionaires Index kuri uyu wa kabiri tariki 5 Werurwe 2024, Jeff Bezos yamaze guhigika Elon Musk ku mwanya w’umuherwe wa mbere ku isi.
Bloomberg Billionaires Index igaragaza ko Jeff Bezos amaze kunguka miliyari $23 muri uyu mwaka wa 2024 bituma agira miliyari $200.
Ni mu gihe umuherwe Elon Musk usanzwe ufite X (Twitter) na SpaceX we amaze guhomba asaga miliyari $31 muri uyu mwaka wa 2024 ari nabyo byatumye atakaza umwanya wa mbere mu baherwe bo ku isi yaramazeho amezi 9 kuko yawufashe muri Gicurasi 2023 awukuyeho Bernard Arnault.
Elon Musk ubu akaba aza ku mwanya wa kabiri afite miliyari $198 naho Bernard Arnault ufite luxury goods company LVMH ari ku mwanya wa gatatu na miliyari $197.
Bezos yafashe umwanya wa mbere ku isi mu baherwe abikesha izamuka rigera kuri 18% ry’imigabane ya Amazon ndetse n’imigabane ya 24% yazamutseho muri Tesla.
Bezos, Arnault na Musk nibo baherwe ba mbere ku isi bakomeje gusimburana ku mwanya wa mbere.
Jeff Bezos w’imyaka 60 y’amavuko yaherukaga kuri uyu mwanya muri 2021.