Muri iki gitondo cyo ku wa gatanu nibwo habyutse havugwa amakuru y’ubujura bwakorewe umuzamu w’Umutariyani w’ikipe ya Paris Saint Germain yo mu Bufaransa Gianluigi Donnarumma. Uyu musore w’imyaka 24 yibiwe iwe aho atuye mu murwa mukuru w’Ubufaransa Paris ndetse ngo abamwibye bahise bahungira muri hotel iri hafi aho. Ntihabayeho kwibwa gusa kuko ahubwo banakubiswe ku buryo uyu muzamu yanakomeretse ni mu gihe umukunzi we bari kumwe we ntacyo yabaye.
Muri ubu bujura bwabaye ijoro ryakeye ntihatangajwe ibyibwe n’agaciro kabyo gusa bikekwa ko Donnarumma yibwe imitako n’ibindi bintu muri rusange bihagaze €500,000 ni amafaranga arenga miliyoni 500 z’amafaranga y’u Rwanda. Iperereza kuri ubu bujura ryo ryahise ritangira nk’uko ibiro ntaramakuru by’abafaransa AFP ribitangaza.
Donnarumma yageze mu ikipe ya PSG mu myaka ibiri ishize ubwo yaravuye mu ikipe ya AC Milan yo mu Bufaransa ndetse si we mukinnyi wa PSG wibwe gusa kuko na captain w’iyi kipe ukomoka muri Brazil Marquinhos nawe yibwe muri Mutarama.
