Ngo ubwo bari mu kuryoshya mu gace ka Beausoleil gaherereye ku kirwa cya Monaco ku wa 10 Nyakanga, ngo abakobwa babiri b’imyaka 19 na 20 bari kumwe n’abahungu 2, ubwo ijoro ryari riguye ngo aba basore babiri bagerageje gufata ku ngufu ba bakobwa babiri. Ni abakobwa ubwabo babyivugira.
Iperereza rya police ya Nice rirakomeje gusa igihari ni uko abo basore babiri ari rutahizamu w’umufaransa ukinira ikipe ya AS Monaco akanayibera captain Wissam Ben Yedder na murumuna we w’imyaka 25. Ben Yedder yageze muri AS Monaco 2019 ndetse ni umwe muri ba rutahizamu beza mu Bufaransa kuko umwaka ushize w’imikino yatsinze ibitego 19 akanaba umwe mu bakinnyi 10 batsinze ibitego byinshi muri shampiyona yo mu Bufaransa Ligue 1.
Nk’uko tubikesha ikinyamakuru cyo mu Bufaransa Franceinfo ngo aya makuru yamenyekanye aturutse ku bantu ba hafi ba Ben Yedder. Ibi byaha bihamye Ben Yedder bishobora gutuma afatirwa ibihano bikakaye.
