Muri 2022 nibwo Rayon Sports yasinyishije umukinnyi w’umurundi ukina mu kibuga hagati MBIRIZI Eric, uyu musore yari yasinye amasezerano y’imyaka ibiri gusa kuri ubu yamaze gutandukana n’iyi kipe.
MBIRIZI w’imyaka 25 y’amavuko yabanje kwitwara neza akigera muri Rayon Sports gusa nyuma aza kugorwa n’ikibazo k’imvune ndetse nyuma yaho Rayon Sports yaguze abandi bakinnyi benshi bo mu kibuha hagati barimo Hertier LUVUMBU Nzinga, Emmanuel Manu, Aruna Musa Majariwa n’abandi bikomeza kugora uyu musore kuba yabona umwanya wo gukina.
Mu bwumvikane rero MBIRIZI Eric yamaze gutandukana na Rayon Sports gusa asize mo mushiki we ukina muri Rayon Sports y’abari n’abategarugori witwa NZOHABONAYO Neema.
MBIRIZI Eric yaje muri Rayon Sports avuye muri Le Messager de Ngozi aguzwe miliyoni 15 z’amanyarwanda. Nyuma yo gutandukana na Rayon Sports, ibinyujije ku mbugankoranyambaga zayo yamwifurije amahirwe n’imigisha mu rugendo rwe rugiye gukomereza ahandi.
