Ku munsi wa 4 wa shampiyona y’Ubwongereza Premier League ikipe ya Manchester United yakirwaga n’ikipe y’Arsenal. Arsenal yitwaye neza muri uyu mukino maze itsinda ibitego 3-1. Abakinnyi ba Manchester United batagaragaye kuri uyu mukino benshi impamvu yabo ni imvune gusa uwitwa Jadon Sancho we biratandukanye.
Kuri uyu mukino wabaga kuri iki cyumweru abakinnyi ba Manchester United barimo Mason Mount, Raphael Varane, Tom Heaton, Amad Diallo, Kobbie Mainoo, Tyrell Malacia na Luke Shaw ntibabonetse Kubera ibibazo by’imvune, nyamara uwitwa Jadon Sancho we umutoza Ten Hag yavuze ko atabonetse muri uyu mukino kuko yagaragaje urwego rwo hasi mu myitoza.
Ibyo Erik Ten Hag yavuze, Jadon Sancho we yabihakanye aranabivuguruza mu butumwa burebure yanyujije ku rukuta rwe rwa Twitter aho akurikirwa n’abarenga miliyoni 2. Mu butumwa buri mu rurimi rw’icyongereza Jadon Sancho yagiraga ati, “Mumbabarire ntimukizere buri kimwe musomye! Sinzigera nihanganira abantu bavuga ibinyoma, nitwaye neza mu myitozo kino cyumweru. Ndakeka hari izindi mpamvu nakuwe mu ikipe gusa sinshaka kuzinjiramo cyane, nashinjwe amakosa kenshi gusa ntibikwiye.”
Yakomeje agira ati,”Icyo nshaka ni ugikina umupira w’amaguru kandi nishimye nkanafasha ikipe yange, nubaha imyanzuro yose abatoza bafata, nkinana n’abakinnyi beza kandi ni byiza kuko buri cyumweru mba nsabwa gukora cyane, nzakomeza mparanire umwanya wange uko byaba bimeze kose.”
Ugerageje gusesengura ubu butumwa ubona ko hashobora kuba harimo ukutumvikana hagati y’umutoza Erik Ten Hag n’umukinnyi we Jadon Sancho usanzwi ukina nka rutahizamu uca ku mpande.
Jadon Sancho yageze muri Manchester United muri 2021 avuye muri Borussia Dortmund aguzwe miliyoni ÂŁ73 (€85). Uyu mwongereza w’imyaka 23 kuva yagera muri Manchester United yayikiniye imikino 82, ayitsindira ibitego 12, atanga imipira yavuyemo ibitego 6.
