Nyuma yo gutandukana na APR FC akerekeza muri Al Ahli Tripoli yo muri Libya, MUGISHA Bohneur Casemiro yamaze gutangazwa nk’umukinnyi mushya wa Avenir Sportif de la Marsa yo mu kiciro cya mbere muri Tunisia.
Bohneur Casemiro ni umwe mu bakinnyi beza b’abanyarwanda bakiri bato, uyu musore ukina mu kibuga hagati yugarira yatangajwe nk’umukinnyi mushya wa Avenir Sportif de la Marsa nyuma y’iminsi mike Abdessatar Ben Moussa atangajwe nk’umutoza mukuru w’iyi kipe.
Abdessatar Ben Moussa na Bohneur Casemiro babanye neza ndetse bakorana neza mu ikipe ubwo aba bombi bari mu ikipe ya APR FC. Bohneur w’imyaka 23 y’amavuko yageze muri APR FC avuye muri Mukura VS&L.
