Nyuma yo guca mu majonjora hamaze kumenyekana amakipe agera kuri 16 azakina igikombe cy’amakipe ya mbere iwayo ku mugabane w’Afurika CAF Champions League. Tombola y’uko amakipe azakina mu matsinda itegerejwe kuri uyu wa gatanu tariki ya 6 Ukwakira 2023.

Mbere y’uko haba tombola amakipe ashyirwa mu dukangara 4 bijyanye n’amanota atangwa n’impuzamashyirahamwe y’umupira w’amaguru ku mugabane w’Afurika CAF. Buri gakangara gashyirwamo amakipe bitewe n’uko amaze iminsi yitwara.

Hari udukangara 4 turimo amakipe 4; amakipe ari mu gakangara kamwe ntabwo ashobora kujya mu itsinda rimwe ndetse ntakipe zo mu gihugu kimwe zishobora kujya mu itsinda rimwe.

Dore uko udukangara duteye:

AGAKANGARA KA MBERE:

Al Ahly SC (Misiri)

Wydad Casabalanca (Maroc)

Esperance Sportive de Tunis (Tunisia)

Mamelodi Sundowns (South Africa)

AGAKANGARA KA KABIRI:

CR Belouizdad (Algeria)

Simba SC (Tanzania)

Pyramids FC (Misiri)

Petro Atletico de Luanda (Angola)

AGAKANGARA KA GATATU:

TP Mazembe (DR Congo)

Al Hilal (Sudan)

Young Africans (Tanzania)

ASEC Mimosas (Cote d’Ivoire)

AGAKANGARA KA KANE:

Etoile Sportive du Sahel (Tunisia)

Jwaneng Galaxy FC (Botswana)

FC Nouadhibou (Maurtania)

Medeama SC (Ghana)

Tombola y’amatsinda itegerejwe kuri uyu wa gatanu tariki ya 6 Ukwakira 2023 ikazabera i Johannesburg muri Afurika y’Epfo.

Hari amakipe amaze kugaragara mu matsinda ya CAF Champions League inshuro nyinshi kurusha ayandi yose ayobowe ku ruhembe na;

1. Al Ahly (Misiri): 21
2. Esperance Sportive de Tunis (Tunisia): 21
3. Zamalek (Misiri): 13
4. TP Mazembe (DR Congo): 13
5. ASEC Mimosas (Cote d’Ivoire): 12
6. Al Hilal (Sudan): 12
7. Mamelodi Sundowns (South Africa): 11
8. Etoile Sportive du Sahel (Tunisia): 11
9. Wydad Casablanca (Maroc): 10
10. Raja Casablanca (Maroc): 9
11. Enyimba FC (Nigeria): 7

Uru nirwo rutonde rw’amakipe amaze gukina mu matsinda ya CAF Champions League inshuro nyinshi kurusha andi makipe ayo ariyo yose yo ku mugabane w’Afurika.