Ikipe ya Juventus yo mugi wa Turin mu Butaliyani ni ikipe y’ubukombe muri iki gihugu no mu burayi muri rusange gusa muri iyi myaka ishize yagowe cyane no kugira aho igera. Imyaka irashize itagihangana ku isoko ry’igura n’igurisha ry’abakinnyi kubera ibibazo by’ubukungu, biri no mu bituma kwitwara neza bigorana. Kuri ubu amakuru ava muri iyi kipe ni uko yarekuye bamwe mu bakinnyi bayo.
Nyuma yo gutandukana na Juan Cuadarado na Angel Di Maria bagashyira ku isoko Paul Pogba, kuri ubu hakurikiyeho myugariro w’Umutariyani akaba na captain wayo w’imyaka 36 Leonardo Bonucci, umusuwisi ukina mu kibuga hagati w’imyaka 26 uvuye mu ntizanyo mu ikipe ya Chelsea Denis Zakaria, umunya-brazil ukina mu kibuga hagati w’imyaka 26 uvuye mu ntizanyo muri Liverpool gusa utaragize icyo ayimarira kubera imvune Arthur Melo n’umusore ukomoka muri Leta zunze Ubumwe z’Amerika ukina mu kibuga hagati uvuye mu ntizanyo muri Leeds United yo mu Bwongereza Weston Mckennie. Aba bose ikipe ya Juventus ikaba yatangaje ko bagomba kuyisohokamo, baragurishwa, bivuze ko ubifuza yabatwara ntakabuza.
