Ku munsi nk’uyu nibwo ikipe ya Manchester City y’umuherwe Sheikh Mansour ukomoka muri Leta Zunze Ubumwe z’Abarabu (UAE) yasinyije umutoza waruvuye mu ikipe ya FC Bayern Munich yo mu Budage Pep Guadiola.
Gusinyisha Pep Guadiola yari intangiriro y’amateka yaragiye kwandikwa mu ikipe ya Manchester City kugeza aho yatwaye igikombe cy’amakipe yambere iwayo ku mugabane w’iburayi UEFA Champions League yaritwaye ku nshuro yayo yambere mu mateka. Ubu ni umwaka wa 7 Pep Guadiola ari umutoza mukuru w’ikipe ya Manchester City kuko yagizwe umutoza wayo muri 2016, amaze gutoza imikino 413, muri iyo mikino yatsinze imikino 300, yinjiza ibitego 1015, atwara ibikombe 14 ndetse atwara ibihembo 22 bye ku giti ke. Pep Guadiola akomeje kwandika amateka haba mu Bwongereza ndetse no mu mateka y’umupira w’amaguru muri rusange.
