Kuri iki cyumweru nibwo ikipe ya Everton yakiraga ikipe y’Arsenal kuri stade yayo ya Godson Park, wari umukino w’umunsi wa 5 muri shampiyona y’Ubwongereza Premier League.
Muri uyu mukino ikipe y’Arsenal yabashije kwitwara neza maze itsinda igitego 1-0, ni igitego cyabonetse ku munota wa 69 w’umukino gitsinzwe n’umusore w’umubiligi Leandro Trossard wari wagiyemo asimbuye, ni igitego yatsinze nyuma yo guhabwa umupira neza na Bukayo Saka.
Arsenal yongeye gutsindira ikipe ya Everton i Godson Park ibyo yaherukaga gukora tariki ya 22 Ukwakira 2017, icyo gihe yayitsinze ibitego 5-2. Bisabye imyaka igera kuri 6 ngo ikipe y’Arsenal itsindire umukino i Godson Park kuri stade ya Everton.
Nyuma y’uyu mukino ikipe y’Arsenal yafashe umwanya wa 4 n’amanota 13 mu mikino 5 naho ikipe ya Everton yisanga ku mwanya wa 18 n’inota 1 n’umwenda w’ibitego 7 nyuma y’umunsi wa 5 wa Premier League.
