Ni igikombe k’isi cy’amakipe y’ibihugu mu mupira w’amaguru w’abari n’abategarugori kiri kubera muri Australia na New Zealand, Iki gikombe cyatangiye tariki ya 20 Nyakanga 2023 mu gihe umukino wanyuma utegerejwe tariki ya 20 Kanama 2023. Kuri ubu bageze muri 1/2 k’irangiza aho ikipe ya Espagne izakina na Sweden mu gihe Ubwongereza buzakina na Australia yakiriye iri rushanwa.
Iki gikombe kiri kuba ku nshuro ya 9 mu makipe 4 asigaye ntanimwe yigeze kuba yagitwaraho mbere. Mu nshuro 8 ziheruka ikipe ya Leta zunze Ubumwe z’Amerika zatwayemo ibikombe 4 naho ibindi bitwarwa n’Ubuyapani, Ubudage na Norway. Muri make ikipe izagitwara kuri iyi nshuro bizaba ari ku nshuro yayo yambere. Mu makipe yarahagarariye Afurika yose uko ari 4 yamaze kuvamo, aho 3 muri yo yaviriyemo muri 1/8 k’irangiza, ubwo ni South Africa, Maroc, Nigeria naho ikipe ya Zambia yo yaviriyemo mu matsinda. Imikino ya 1/2 k’irangiza itegerejwe tariki ya 15 Kanama aho Espagne izakina na Suede naho tariki ya 16 Kanama ikipe y’igihugu ya Australia ikazakina n’Ubwongereza. Tariki ya 19 Kanama bazakinira umwanya wa 3 mu gihe tariki ya 20 Kanama hazakinwa umukino wanyuma.
