Ku mugoroba ni shampiyona z’umupira w’amaguru mu bihugu bitandukanye, zimwe zatangiranga mu gihe izindi zakomezaga. Ku ikubitiro shampiyona yaritegerejwe na benshi ni iy’igihugu cy’Ubwongereza Premier League. Ku munsi w’ejo mu ijoro nibwo Premier League yatangiraga aho ikipe ya Burnley izamutse mu kiciro cya mbere muri uyu mwaka yakiraga Manchester City yatwaye ibikombe 3 bya shampiyona biheruka. Ni umukino warangiye Manchester City itsinze ibitego 3-0. Igitego cya mbere cya Manchester City cyatsinzwe na rutahizamu ukomoka muri Norway Erling Braut Haaland ku munota wa 4, aza gutsinda icya kabiri ku munota wa 36 hanyuma umunya-Espagne ukina mu kibuga hagati Rodrigo aterekamo igitego cya 3 ku munota wa 75 umukino urangira utyo. Mu minota y’inyongera ariko rutahizamu ukomoka muri Morocco Anass Zaroury yagawe ikarita itukura. Manchester City itangira shampiyona neza ityo.
Muri Espagne naho shampiyona yaratangiraga ni La Liga Santander aho ku munsi wa mbere ikipe ya Almeria yatsinzwe na Rayo Vallecano ibitego 2-0, umukino warukomeye ni aho ikipe ya Sevilla yari yakiriye Valencia, umukino waje kurangira Valencia itsinze ibitego 2-1. Si aho gusa kuko na shampiyona yo mu Bufaransa Ligue 1 nayo yaratangiraga aho habaye umukino umwe ubwo ikipe ya Nice yanganyaga na Lille igitego 1-1.
Benshi bakunze gukurikira shampiyona zo ku mugabane w’iburayi gusa kubera umubare munini w’abakinnyi bakomeye bagiye gukina muri shampiyona yo muri Saudi Arabia Saudi Pro League, byabaye ngombwa ko nayo itangira gukurikiranwa ndetse inaca kuri Canal + imenyereweho kwerekana imikino itandukanye. Saudi Pro League rero nayo yaratangiraga ku munsi w’ejo aho ku ikubitiro ikipe ya Al Ahli irimo Robert Firmino wavuye muri Liverpool, Riyad Mahrez wavuye muri Manchester City, Alain Saint-Maximin wavuye muri Newcastle United, Edouard Mendy wavuye muri Chelsea na Franck Kessie wavuye muri FC Barcelona yahuraga n’ikipe ya Al Hazm. Ni umukino warangiye Al Ahli itsinze Al Hazma ibitego 3-1, ibitego byose uko ari 3 ku ruhande rwa Al Ahli byatsinzwe ba rutahizamu ukomoka muri Brazil Robert Firmino Barbosa akaba ari nawe kapiteni w’iyi kipe.
Muri Leta zunze Ubumwe z’Amerika naho bakomeza shampiyona aho ikipe ya Lionel Messi na Sergio Busquet tutibagiwe Jordi Alba Inter Miami yakinaga n’ikipe ya Charlotte, ni umukino warangiye Inter Miami itsinze ibitego 4-0 ndetse Lionel Messi yatsinze igitego ku munota wa 86. Gutsinda igitego kwa Lionel Messi byamugize umukinnyi wa mbere mu mateka ya ruhago utsinze ibitego 8 mu mikino ye 5 ya mbere mu ikipe. Muri iyi mikino iba mu rukerera niho Lionel Messi akomeje kwandikira amateka.
