Ikipe ya Manchester United kuri ubu yatangaje ko yamaze gutandukana n’Umunya-espagne David De Gea wari umuzamu wayo. De Gea yaramaze imyaka 12 mu ikipe ya Manchester United kuko yahageze 2011. Manchester United yerekeje amaso mu ikipe ya Inter Milan ku muzamu w’imyaka 27 ukomoka muri Cameroon André Onana nk’amahitamo yambere ku musimbura wa De Gea. Ku rundi ruhande ariko hari umuzamu w’imyaka 26 bita Dean Henderson w’umwongereza, uyu we ikipe ya Manchester United yari yaramutije muri Nottingham Forest mu mwaka ushize w’imikino n’ubwo ubu yagarutse gusa ngo nawe ntabwo anyuzwe no kuba umuzamu wa kabiri kuko umutoza Erik Ten Hag ashaka Onana nk’umuzamu we wambere.
Ese koko kugeza aka kanya ninde muzamu mwiza hagati ya André Onana na David de Gea. Turabagereranya twifashishije imibare y’uko aba bombi bitwaye mu mwaka ushize w’imikino wa 2022/23 muri shampiyona zabo. David de Gea muri shampiyona y’ubwongereza yakinnye imikino 38/38 (yose) naho André Onana yakinnye 24/38, De Gea yinjijwe ibitego 43 bivuze ko ari igitego 1.13 ku mukino naho Onana yinjijwe ibitego 24 bingana n’igitego 1 ku mukino, De Gea yatewe amashoti 142 akuramo 99 angana 71.1% naho Onana yatewe amashoti 83 akuramo 61 angana na 73.5%, De Gea mu mikino 17 ntiyinjijwe igitego na kimwe mu mikino 38 ubwo ni 45% naho Onana imikino atinjijwe igitego ni 8 mu mikino 24 ubwo ni 33%, De Gea byibuze yakuragamo imipira 2.7 y’ibitego byabazwe naho Onana ni 2.6, De Gea imipira yatanze yageze kubo yashakaga neza ku kigero cya 68.3% naho Onana ni 79.2%, De Gea yahembwaga £375,000 ku cyumweru mu gihe Onana yemera guhembwa £100,000 ku cyumweru. Kwanzura ukomeye byo biterwa n’uko uwanzura abibona gusa imibare itugaragariza ko Onana yitwaye neza kurusha De Gea.
N’ubwo David de Gea yafashe Manchester United kugira aho igera mu mwaka ushize w’imikino ariko umutoza Erik Ten Hag yanzuye kumurekura. Amahirwe yo kubona André Onana ni menshi kugeza aka kanya n’ubwo ntakiratangazwa n’amakipe yombi.
