Umutoza Diedo Simeone ukomoka muri Argentine agiye kongera amasezerano muri Atletico Madrid amazemo imyaka igera kuri 12.
Diego Simeone banahimba El Cholo yageze mu ikipe ya Atletico Madrid yo muri Espagne avuye muri Racing Club y’iwabo muri Argentine muri 2011, kuri ubu ayimazemo imyaka 12 yose ari umutoza wayo.
Kuva yagera muri Atletico Madrid umutoza Diego Simeone w’imyaka 53 y’amavuko yatwaye ibikombe bya shampiyona ya Espagne 2, Igikombe cy’umwami 1, Europa League 2, UEFA Super Cup 2 ndetse yatsindiwe ku mukino wa nyuma wa UEFA Champios League ubugira 2 kabiri.
Nk’uko tubikesha Fabrizio Romano ngo ibiganiro bigeze kure hagati ya Diego Simeone na Atletico Madrid ndetse ngo impande zombi ziri kumvikana neza ku kuba Simeone yakomezanya n’iyi kipe.
Uyu mutoza wabaye n’umukinnyi aracyayobowe urutonde rw’abatoza bahembwa agatubutse ku isi mu mupira w’amaguru aho ahembwa miliyoni €34 ku mwaka ni arenga miliyari 34 z’amanyarwanda.
