Kuri uyu wa kane tariki 22 Kanama 2024 nibwo hasohotse itangazo muri Minisiteri y’Ubutegetsi bw’Igihugu rivuga ko rihagaritse imiryango ishingiye ku myemerere idafite ubuzima gatozi igera kuri 43 yakoreraga mu turere 18 tw’u Rwanda.
Iri tangazo ryagiraga riti,”Hashingiwe ku isuzuma ry’ibikorwa by’imiryango ishingiye ku myemerere ririmo gukorwa mu Gihugu hose kuva ku itariki ya 28 Nyakanga.”
Rigakomeza rigira riti “Hashingiwe kandi ku ibaruwa y’Urwego rw’Igihugu rw’Imiyoborere (RGB) yo ku itariki ya 22 Kanama 2024, igaragaza urutonde rw’Imiryango idafite ubuzima gatozi, indi miryango 43 yakoreraga mu Turere 18 irahagaritswe kubera ko yakoraga bitemewe n’amategeko.”
Ihagarikwa ry’iyi miryango rije nyuma y’igihe mu Rwanda harimo gukorwa ubugenzuzi ku madini n’amatorero akorera mu Gihugu n’insengero zayo.
Ubu bugenzuzi bwanagize ingaruka kuko bwatumye hafungwa insengero zirenga ibihumbi umunani mu gihugu hose ndetse imwe mu miryango ikanahagarikwa.
Urutonde rw’imiryango yahagaritswe gukorera mu Rwanda:
1. Abagorozi
2. Abakusi
3. Abanywagake
4. Abarokore
5. Abavandimwe Church
6. Agape Sanctually
7. Apostolic Faith Mission Intertional
8. Assemblies of Lord
9. Bethel Miracle Church
10. Chrisco Church
11. Cornerstone Temple Dusenyi
12. Dusanimitima Church
13. EDAM
14. EEBVR
15. Eglise Bethania
16. Future bright spark church
17. Gopher church ubuhungiro
18. Hope provision centre church
19. Hosian Bible church
20. Independent evangelical lutheran congregation Rwanda (IELC)
21. Hema ry’amahoro
22. International Pentecot Ministries
23. Intumwa n’abahanuzi
24. Intwarane
25. Isoko ibohora
26. Isoko imarinyota
27. Ivugurura n’ubugorozi | Remera
28. Joy of salvation church
29. Liberty Bible church
30. Life in Jesus Christ
31. Lutheran mission in Africa
32. Philadelphia church
33. Principle of holy spirit church
34. Promesse life convenant church
35. Redeemed Baptist church
36. Reformation Christian church
37. Salvation church
38. Ismaili Religious and Cultural organisation for Rwanda
39. Ubuzima bushya muri Kirisito
40. UDEPR impinduka
41. Umugeni wa kristo
42. Umurage w’abera Pentecote
43. Urwambariro/Abera mu Rwanda
