Ikipe y’igihugu ya Espagne yegukanye igikombe k’ibihugu cy’Uburayi, Euro 2024, itsinze Ubwongereza ibitego 2-1 ku mukino wa nyuma.
Kuri iki Cyumweru tariki 14 Nyakanga 2024, Espagne yatsinze Ubwongereza ku mukino wa nyuma wa Euro 2024 yaberaga mu Budage kuri Olympiastadion biyiha igikombe cya kane cya Euro 2024.
Espagne itozwa na Luis de la Fuente yatwaye Euro 2024 nyuma yo gutsinda Ubwongere ibitego bya Nico Williams ku munota wa 47 na Mikel Oyarzabal ku munota wa 86, igitego rukumbi cy’Ubwongereza cyatsinzwe na Cole Palmer ku munota 73.
Umukinnyi wa Espagne w’imyaka 17 y’amavuko usanzwe ukinira FC Barcelona yahembwe nk’umukinnyi ukiri muto witwaye neza mu irushanwa, naho Rodrigo Cascante usanzwe ukinira Manchester City ahembwa nk’umukinnyi mwiza w’irushanwa.
