Donald John Trump wabaye Perezida wa 45 wa Leta Zunze Ubumwe z’Amerika ubwo yatorwaga bwa mbere muri 2017, yongeye gutorerwa kuba Perezida ku nshuro ya kabiri.
Mu matora yabaye ku wa kabiri tariki 5 Ugushyingo 2024 muri Leta Zunze Ubumwe z’Amerika (Ni ku wa gatatu mu Rwanda), Donald Trump yatsinze amatora ahigitse Kamala Harris bari bahanganye warusanzwe ari Visi Perezida.
Trump w’imyaka 78 y’amavuko yarahagarariye ishyaka ry’Abarepubulikani (Republican) yamaze kuzuza amajwi 270 aba asabwa ngo umuntu atsinde amatora aho kugeza ubwo twandikaga iyi nkuru yaramaze kugira amajwi 277 ku majwi 224 ya Kamala Harris.
Trump azarahira nka Perezida wa Leta Zunze Ubumwe z’Amerika tariki 20 Mutarama 2020 i Washington DC muri Capitol.
Kuva kuri George Washington wabaye Perezida wa mbere wa Leta Zunze Ubumwe z’Amerika mu 1789, Trump abaye Perezida wa 47 w’iki gihugu kigizwe na Leta 50.