CRISTIANO RONALDO yashyize ku isoko indege ye ya miliyoni 20 z’ama pound kugirango uyishake ayitwarire cyane ko ngo isigaye ari nto cyane kuri we.
Uyu mukinnyi wa Manchester United w’imyaka 37, yaguze iyi ndege y’akataraboneka muri 2015.
Iyi ndege ya Gulfstream G200 ya Ronaldo yamufashije kenshi kujya mu biruhuko hirya no hino mu Burayiari kumwe n’umukunzi we Georgina Rodriguez hamwe n’abana babo.
Uyu rutahizamu kandi akoresha indege kugira ngo yerekeze iwabo muri Portugal buri gihe bitewe n’umuvuduko wayo wa 560mph.
Nubwo indege ishobora gutwara hagati y’abantu umunani kugeza ku icumi, CR7 arashaka kugura inini.
Ronaldo akodesha iyi ndege ku biciro biri hagati y’ibihumbi 5000-8500 by’amapawundi ku isaha.
Iyi ndege ya Ronaldo iri muri nkeya cyane zakozwe kuko ku isi hari 250 zo muri ubu bwoko ndetse kuzikora byarangiye muri 2011.
