Umudage Manuel Neuer yujuje imikino 500 y’amarushanwa akinira ikipe ya Bayern Munich, ni nyuma yo gukina umukino iyi kipe yatsinzemo Hoffenheim ibitego 3-0 kuri uyu wa gatanu.

Umuzamu Manuel Neuer w’imyaka 37 y’amavuko yageze mu ikipe ya Bayern Munich muri 2011 avuye muri Schalke 04. Mu myaka yose ahamaze, uyu muzamu yatwaranye na Bayern Munich ibikombe 29 birimo Bundesliga, DFB Cup, UEFA Champions League n’ibindi.

Mu mikino 500 Neuer amaze gukinira Bayern Munich yinjijwe ibitego 395, amara imikino 240 atinjijwe igitego na kimwe.

Manuel Neuer ni umwe mu bazamu beza bigaragaje mu myaka ye kuko yanafashije ikipe y’igihugu y’Ubudage kwegukana igikombe k’isi cyo muri 2014.