Kuri uyu wa gatatu muri BK Arena saa 19:00 z’umugoroba hategerejwe umukino wa 4 wa nyuma wa Betpawa playoffs mu bari n’abategarugori ugomba guhuza ikipe ya REG WBBC n’ikipe ya APR WBBC.
Mu mikino 3 ibanza ikipe ya REG WBBC yari yabanje gutsinda umukino wa mbere gusa ikipe ya APR WBBC ihita yinyara mu isunzu itsinda imikino 2 ikurikirana. Nyuma y’imikino 3 ikipe ya REG WBBC yatsinze umukino umwe naho APR WBBC itsinda imikino 2.
Haba hagomba gukinwa imikino 7 gusa amakipe yombi agatanguranwa kutsinda imikino 4. Aya makipe n’ubundi niyo yari yahuye ku mukino wa nyuma wa Betpawa Playoffs mu bagaba maze ikipe ya APR BBC itsinda ikipe ya REG BBC imikino 4 yose ku busa.
Ishyirahamwe ry’umukino wa basketball mu Rwanda FERWABA ryatangaje ko ku injira kuri uyu mukino ari ubuntu ahasanzwe, 5,000 RWF n’10,000 RWF ni mu rwego rwo gushishikariza abantu kwitabira uyu mukino.
