Ikipe y’igihugu mu mukino wa basketball mu bagabo mu ijoro ryo kuri uyu wa gatatu tariki ya 5 Nyakanga 2023 ikaba yafashe rutemikirere yerekeza mu gihugu cya Angola mu mikino nyafurika muri uyu mukino ya FIBA AfroCAN.
FIBA AfroCAN rikaba ari irushanwa rihuza amakipe y’ibihugu yo ku mugabane wa Afurika, ariko hagakina abakinnyi bakina kuri uyu mugabane gusa. Rikaba rizaba ku nshuro yaryo ya 2 aho rizajya riba buri nyuma y’imyaka 4, rikazatangira tariki ya 8 Nyakanga rigasozwa tariki ya 16 Nyakanga 2023. Rikaba rizitabirwa n’amakipe y’ibihugu by’Afurika 12 agabanyije mu matsinda 4, u Rwanda rukaba mu itsinda rya C. Itsinda A ririmo: Kenya, Gabon na CĂ´te d’Ivoire; itsinda B: Angola(ari nayo yakiriye), Nigeria na Mali; itsinda C: Morocco, Tunisia n’u Rwanda naho itsinda D ririmo DR Congo, Mozambique na Cameroon. Ubushize iri rushanwa rikaba ryaregukanywe na DR Congo ubwo riheruka kuba muri 2019.
Ikipe y’u Rwanda mu mukino wa basketball yahagurutse i Kigali rero ikaba yarirangajwe imbere n’umutoza mukuru MURENZI Yves, umutoza w’ungirije GASANA Kenneth usanzwe ari umukinnyi gusa wagize ikibazo k’imvune, n’umutoza wungirije wa kabiri MUGABE Aristide. Abakinnyi bagiye ni 12 aribo NSHOBOZWABYOSENUMUKIZA Jean Jacques Wilson, FURAHA Cadaux de Dieu, MANZI Dan, NDIZEYE NDAYISABA Dieudonne, HAGUMINTWARI Steve, Kendal Gray, William Robyens, RUTATIKA SANO Dick, NTORE Habimana, NGABONZIZA Patrick, TURATSINZE Olivier na KAZENEZA Emile Galois.
