Captain w’ikipe y’igihugu y’u Rwanda mu mukino wa basketball GASANA Kenneth ntabwo azakina imikino nyafurika itegerejwe kubera muri Angola muri uku kwezi kwa Nyakanga.
AfroCAN ni irushanwa nyafurika mu mukino wa basketball rihuza amakipe y’ibihugu gusa ayo makipe agakinisha abanyagihugu bakina ku mugabane wa Africa. Iri rushanwa ritegerejwe kubera muri Angola kuva tariki ya 8-16 Nyakanga uyu mwaka aho u Rwanda rwisanze mu itsinda rya C aho rurikumwe na Tunisia ndetse na Morocco. Mu minsi ishize nibwo u Rwanda rwabonye itike yo gukina iyi mikino nyuma yo kwitwara neza mu majonjora y’akarere ka 5 (Zone 5) maze akegukana igikombe, ni imikino yabereye muri Tanzania.
Amakuru ahari rero ni uko captain w’ikipe y’igihugu GASANA Kenneth usanzwe ukina nka shooting guard (uzwi nka no 2) cyangwa se uba ufite inshingano zo gutsinda amanota mu kibuga atazakina iyi mikino kubera ikibazo k’imvune. Iki ni igihombo ku ikipe y’igihugu y’u Rwanda mu mukino wa basketball.
