Ikipe y’igihugu y’u Rwanda y’umupira w’amaguru, Amavubi, yazamutseho umwanya umwe ku rutonde ngarukakwezi rusohorwa n’Impuzamashyirahamwe y’Umupira w’Amaguru ku Isi, FIFA.
Kuri uyu wa kane tariki 19 Nzeri 2024 nibwo FIFA yashyize hanze urutonde ngarukakwezi rw’uko amakipe y’ibihugu y’umupira w’amaguru ahagaze ku Isi.
Ikipe y’igihugu y’u Rwanda ‘Amavubi’ yari ku mwanya wa w’131 ku isi ku rutonde rwasohotse tariki 18 Nyakanga 2024 yisanze yazamutseho umwanya umwe ku rutonde rwo muri uku kwezi.
Amavubi yisanze ku mwanya w’130 n’amanota 1123 abikesha imikino ibiri aherutse kunganyamo na Libya igitego 1-1 na Nigeria 0-0 mu mikino yo gushaka itike y’igikombe cy’Afurika kizaba muri 2025 kikazabera muri Maroc.
Biteganyijwe ko urutonde rutaha ruzatangazwa tariki 24 Ukwakira 2024.
Wanyura hano ureba urutonde rurambuye: https://inside.fifa.com/fifa-world-ranking/men
