Kuri uyu wambere tariki 10 Nyakanga 2023 nibwo Yamen Zelfani yatangajwe nk’umutoza mushya w’ikipe ya Rayon Sport.
Yamen Zelfani akomoka mugihugu cya Tunisia akaba afite imyaka 43, uyu mugabo yatangiye akazi kubutoza muri 2012 akaba amaze gutoza amakipe 9.
Uyu mutoza udakunze kumara kabiri mu ikipe kubera impamvu imwe cyangwa iyindi n’umutoza umenyereye umupira wa Afurika kuko awumaze imyaka irenga 10.
Yamen Zelfani yatangiriye akazi ke mugihugu cya Saudi Arabia, aho yatoje ikipe ya ABHA Club imyaka igera kuri 3 ayivamo 2015, yahise yerekeza muri Mauritania asinyira ikipe ya Nouadhibou aho yanahagiriye ibihe byiza asoreza kumwanya wa kabiri muri Shampiyona y’umwaka w’imikino 2015-2016 nubwo bitamubujije gutandukana nayo.
Kuva 2016 Yamen Zelfani yaje kubura akazi agaruka munshingano mu mwaka 2018, aho yahise yerekeza muri Sudan mu ikipe ya Al-merrikh ayifasha gutwara igikombe cya Shampiyona y’umwaka w’imikino 2018-2019 ndetse n’igikombe kiruta ibindi Super Cup ahita ayivamo.
Yahise yerekeza muri Oman gutoza ikipe ya DHOFAR FC ayifasha kweguka igikombe kiruta ibindi Super Cup, nayo ahita ayivamo yerekeza muri Algeria mu ikipe ya Js Kabylie nayo atatinzemo kuko yayivuyemo muruwo mwaka yerekeza iwabo muri Tunisia mu ikipe ya As Solman.
Mu mwaka 2021-2022 yahise yerekeza muri Saudi Arabia mu muri Shampiyona y’icyiciro cya kabiri Al-kawkab nayo ayivamk yerekeza muri Iraq mu ikipe ya Al-Talaba Ari naho ikipe ya Rayon Sport yamukuye
Yamen Zelfani icyo azwiho nuko ntakipe ajya atindamo kuko iyo yamazemo igihe kinini Ari imyaka 3 gusa, ikindi nuko ari umutoza ukunda amafaranga cyane kuko aho bamuhaye menshi ariho yerekeza atitaye kubihe yaba arimo n’ikipe ye.
