Kuri iki cyumweru nyuma yaho ikipe y’igihugu ya Côte d’Ivoire yegukanye igikombe cy’Afurika batsinze ikipe y’igihugu ya Nigeria ku mukino wa nyuma ibitego 2-1, Perezida wa Côte d’Ivoire Alassane Outtara yageneye aba bakinnyi agahimbazamusyi kubwo gutwara igikombe.
Kuri uyu wa kabiri nibwo hishimirwaga igikombe Côte d’Ivoire hamwe na Perezida w’iki gihugu Alassane Outtara ari nabwo abari bagize ikipe ya Côte d’Ivoire bahawe ishimwe ryiyongera ku ryari risanzwe.
Umutoza Emerse Fae yahawe ibihumbi €150 (ni arenga miliyoni 150 z’amanyarwanda). Uyu mutoza yafashe ikipe y’igihugu ya Côte d’Ivoire muri 1/8 k’irangiza nyuma yaho uwari umutoza mukuru Jean-Louis Gasset asezerewe nyuma yo gutsinda umukino umwe gusa wo mu matsinda.
Abari bagize itsinda rya Côte d’Ivoire muri rusange (Technical Team) bo bagenewe ishimwe ry’ibihumbi €600 (ni arenga miliyoni 600 z’amanyarwanda).
Buri mukinnyi wa Côte d’Ivoire yagenewe agera ku bihumbi €76 (ni arenga miliyoni 76 z’amanyarwanda) nk’ishimwe ryo kwegukana igikombe cy’Afurika ku nshuro ya gatatu.
