Kuri iki Cyumweru tariki 19 Mutarama 2025, umwubatsi akaba n’umushoramari Florentino Perez yatorewe indi manda yo gukomeza kuyobora ikipe ya Real Madrid izamugeza muri 2029.
Perez wari umukandida rukumbi kuri uyu mwanya wa Perezida wa Real Madrid yatorewe manda y’imyaka 4 ayobora iyi kipe nyuma y’iyo yararangije yatorewe muri 2021.
Amateka ya Perez na Real Madrid
Perez uzuzuza imyaka 78 muri Werurwe uyu mwaka yatorewe bwa mbere kuba Perezida wa Real Madrid mu 2000 gusa aza kwegura muri 2006.
Uyu ni nawe wubatse GalĂĄcticos ya mbere muri Real Madrid. GalĂĄcticos akaba uburyo Perez yashyizeho bwo kubaka ikipe ugura abakinnyi bahenze kandi b’ibyamamare ukabahuriza mu ikipe imwe.
Muri iki gihe cy’imyaka 6, Perez yaguze ibyamamare byari bigezweho icyo gihe birimo Luis Figo, Zinedine Zidane, Ronaldo Nazario, David Beckham, Michael Owen, Robinho, Sergio Ramos, Fabio Cannavaro, na Ruud van Nistelrooy.
Muri iki gihe Real Madrid yegukanyemo ibikombe 2 bya UEFA Champions League (2000 & 2003), ibikombe 2 bya shampiyona (2001 & 2003), igikombe 1 cya UEFA Super Cup (2002), ibikombe 2 bya Spanish Super Cup (2001 & 2003), n’igikombe 1 cya Intercontinental Cup yatwaye muri 2002.
Mu mwaka w’imikino wa 2003-2004 Real Madrid yatangiye kutitwara neza mu kibuga n’ubwo yarifite abakinnyi b’ibyamamare, iyi kipe yarinze igera mu mwaka w’imikino wa 2005-2006 itongeye gukoza imitwe yâintoki ku gikombe icyo aricyo cyose. Ibi byatumye Perez ahita yegura muri 2006 asimburwa na RamĂłn CalderĂłn nawe waje kwegura nyuma y’imyaka 3.
Perez yagarutse muri Real Madrid muri 2009 ubwo yongeraga gutorerwa kuyiyobora, iki gihe nabwo yari umukandida umwe ndetse ni nako byagenze muri 2013, 2017 na 2021.
Perez yasubiranye muri Real Madrid politike ya GalĂĄcticos ari nabwo muri uwo mwaka yahise asinyisha abakinnyi barimo Kaka, Karim Benzema, Cristiano Ronaldo, na Xabi Alonso ndetse mu mwaka wakurikiyeho yaguze Angel Di Maria na Mesut Ozil.
Kuva Perez yasubira muri Real Madrid muri 2009, iyi kipe imaze kwegukana ibikombe bikabakaba 30 birimo ibikombe 6 bya UEFA Champions League harimo bitatu yatwaye yikurikiranya, ibikombe 5 bya shampiyona, ibikombe 5 bya UEFA Super Cup, ibikombe 5 bya FIFA Club World Cup n’ibindi.
Mu gihe Perez yazarangiza manda ye azaba amaze imyaka 26 ayobora Real Madrid.
Florentino PĂ©rez RodrĂguez ni umunya-Espagne wavutse tariki 8 Werurwe 1947, avukira i Madrid muri Espagne. Uretse kuyobora Real Madrid, Perez ni Umushoramari ndetse akayabora na kompanyi ya Grupo ACS ikora ibijyanye n’ubwubatsi.
Perez yashakanye na MarĂa de los Ăngeles Sandoval Montero mu 1970 babyarana abana 3 aribo Eduardo, Florentino, na MarĂa Ăngeles. Gusa uyu mugore wa Perez yaje kwitaba Imana tariki 23 Gicurasi 2012 azize umutima.
Andi makuru avugwa kuri Perez yo mu gihe cya vuba ni uko ariwe uyoboye abashaka gutangiza irushanwa rya Super League ngo rizasimbure UEFA Champions League.