Ni kuri uyu wa mbere nibwo inkuru zasohotse kumbuga zitandukanye aho iyi nkuru yananyujijwe ku rubuga rwa Manchester United ivuga ko uyu mutoza wayitozaga ari we Erik ten Hag yamaze kwirukanwa kubwo umusaruro mubi yaheshaga iyi ekipe.
Manchester United yanashimangiye ko ikipe igiye gusigaranwa na Ruud van Nistelrooy mu gihe umutoza agishakishwa.
Itangazo ryayo rikomeza riti “Ruud van Nistelrooy azafata ikipe nk’Umutoza Mukuru w’agateganyo, afatanyije n’abatoza basanzwe mu gihe umutoza mukuru w’igihe kirekire akiri gushakishwa.’’
Uyu Erik ten Hag asize ekipe ya Manchester United ku mwanya wa 14 muri Shampiyona y’u Bwongereza. Kuva umwaka w’imikino watangira, Manchester United yatsinze imikino ine gusa muri 14 yakinnye.
Erik ten Hag yagizwe Umutoza Mukuru wa Manchester United muri Mata 2022. Kuva icyo gihe yahesheje iyi kipe ibikombe bibiri birimo icya Carabao Cup mu 2023 na FA Cup mu 2024.
