Ku wa kabiri tariki 17 Nzeri 2024 nibwo hatangiye irushanwa rya UEFA Champions League rihuza amakipe yabaye aya mbere iwayo ku mugabane w’i Burayi.
Ni UEFA Champions League iri mu isura nshya yitabiriwe n’amakipe 36 aturutse mu bihugu bitandukanye.
Umunsi wa mbere wa UEFA Champions League usize ikipe ya Bayern Munich ariyo yinjize ibitego byinshi mu izamu, yatsinze Dinamo Zagreb yo muri Croatia ibitego 9-2.
Mu mikino 18 yakinwe kuva ku wa kabiri tariki 17 Nzeri kugeza ku wa kane tariki 19 Nzeri, imikino itatu gusa niyo itarabonetsemo igitego, harimo umukino wahuje Bologna na Shakhtar Donetsk, Manchester City na Inter de Milan n’umukino wahuje Atalanta na Arsenal.
Abakinnyi batatu nibo bahawe ikarita itukura mu mukino barimo Angel Gomes wa Lille, Dimitri LavalĂ©e wa Sturm Graz na Eric GarcĂa wa FC Barcelona.
Umunsi wa mbere usize Bayern Munich ariyo iyoboye urutonde n’amanota 3, yizigamye ibitego 7 naho Dinamo Zagreb ni iya nyuma n’umwenda w’ibitego 7, ntanota na rimwe ifite.
Harry Kane ukinira Bayern Munich akaba asoje umunsi wa mbere wa UEFA Champions League ariwe ufite ibitego byinshi, yatsinze ibitego 4.
Dore uko imikino yarangiye:
Ku wa kabiri tariki 17 Nzeri 2024:
Juventus 3-1 PSV Eindhoven
Young Boys 0-3 Aston Villa
AC Milan 1-3 Liverpool
Bayern Munich 9-2 Dinamo Zagreb
Real Madrid 3-1 VfB Stuttgart
Sporting CP 2-0 Lille
Ku wa gatatu tariki 18 Nzeri 2024:
Bologna 0-0 Shakhtar Donetsk
Sparta Prague 3-0 RB Salzburg
Celtic 5-1 Slovan Bratislava
Club Brugge 3-0 Borussia Dortmund
Manchester City 0-0 Inter
Paris Saint-Germain 1-0 Girona
Ku wa kane tariki 19 Nzeri 2024:
Feyenoord 0-4 Bayer Leverkusen
FK Crvena Zvezda 1-2 Benfica
Atalanta 0-0 Arsenal
Atletico Madrid 2-1 RB Leipzig
Brest 2-1 Sturm Graz
Monaco 2-1 FC Barcelona