Ikipe ya APR BBC na REG BBC zigiye kongera guhurira ku mukino wa nyuma w’igikombe cya Rwanda Cup 2024 kiri gukinwa ku nshuro ya mbere nyuma yo gukina muri shampiyona.
APR BBC yageze ku mukino wa nyuma wa Rwanda Cup isezereye Patriots BBC naho REG BBC igera ku mukino wa nyuma itsinze Espoir BBC mu mikino yombi yabaye kuri uyu wa gatatu tariki 7 Kanama 2024 muri Lycee de Kigali.
Kuri uyu wa gatanu saa 18:00 muri Lycee de Kigali ikipe ya Patriots BBC irahatanira na Espoir BBC umwanya wa gatatu, nyuma y’uyu mukino REG BBC ikine na APR BBC umukino wa nyuma.
REG BBC na APR BBC ziheruka guhura mu mukino wa shampiyona tariki 31 Nyakanga 2024 warangiye APR BBC itsinze amanota 77-75.
