Umukinnyi ukina hagati (Fixeur/Central) mu ikipe ya REG VC, MUVARA Ronald, yasezeranye imbere y’amategeko n’umukunzi we MUHOZA Mariam.
Muvara na Mariam bakundanye kuva mu myaka irindwi ishize ubwo bigaga mu mashuri yisumbuye.
Tariki 15 Mutarama 2024 nibwo Muvara yasabye Mariam ko yamubera umugore ibizwi muri iki gihe nko gutera ivi.
Aba bombi bakaba bazakora ubukwe tariki 30 Kamena 2024.
Muvara nyuma yo kurangiza amashuri yisumbuye muri 2017 yerekeje mu ikipe ya APR VC mbere yo kwerekeza muri Gisagara VC banatwaranya igikombe cya Shampiyona muri 2022-2023.
Muvara akaba yarerekeje mu ikipe ya REG VC muri uyu mwaka ushize w’imikino ndetse akaba yaratwaranye n’iyi kipe igikombe cya Tournoi Memorial Rutsindura cyabereye muri Petit Séminaire Virgo Fidelis de Butare batwaye batsinze Gisagara VC amaseti 3-2.
Muvara Ronard akaba ari n’umwe mu bakinnyi ngenderwaho mu ikipe y’igihugu y’u Rwanda mu mukino wa volleyball.
