Mu masaha y’ikigoroba yo kuri uyu wa gatanu tariki 1 Werurwe 2024 nibwo hasakaye amakuru ko Issa Hayatou wayoboye ishyirahamwe ry’umupira w’amaguru muri Afurika, CAF ibinyecumi 4 yaba yitabye Imana nyamara amakuru aravuga ko uyu mugabo w’imyaka 77 akiri muzima.
Umunya-Cameroon Issa Hayatou yayoboye CAF mu 1988-2017 bivuze ko yamaze imyaka 29 ayoboye umupira w’amaguru w’Afurika. Hayatou yanabaye visi perezida wa mbere w’ishyirahamwe ry’umupira w’amaguru ku isi FIFA mu 1992.
Nyuma y’uko abitswe ko yaba yitabye Imana mu masaha y’ikigoroba cyo kuri uyu wa gatanu, umunyamakuru bita Njie Enow yanyomoje aya makuru avuga ko afite amakuru yizewe ko Hayatou akiri muzima nk’uko yabibwiwe n’umwe mu bana Hayatou yafashe ngo arere.
Abinyujije kuri X yahoze yitwa Twitter yagize ati;”Mu minota mike ishize navuganye n’umwe mu bahungu Hayatou yafashe ngo arere (Adopted) maze ambwira ko nawe yatunguwe n’ayo makuru ndetse ampapamiriza ko se Hayatou atigeze apfa.”
Andi makuru avuga Hayatou yibereye mu Bufaransa kandi ari muzima, atitabye Imana nk’uko amakuru menshi yabivugaga mu masaha yatambutse.
