Ikipe y’igihugu ya Nigeria, D’Tigers, yikuye mu irushanwa ryo gushaka itike y’imikino ya nyuma FIBA Afrobasket 2025 kubera kubura ubushobozi.
Mu itangazo ishyirahamwe ry’umukino wa basketball muri Nigeria (NBBF) ryashyize hanze kuri uyu wa gatatu rivuga ko kubura ubushobozi bwo gutegura ikipe y’igihugu ariyo mpamvu nyamukuru yatumye yivana mu irushanwa.
NBBF ivuga ko ntakundi yari kubigenza kuko ntacyo Minisiteri ya siporo yabikozeho ngo itange ubushobozi bwo kwitegura iyi mikino. Ibi ariko ntacyo Minisiteri irabivugaho.
D’Tigers yariri mu itsinda rya kabiri (itsinda B) aho yaririkumwe na Cape Verde, Uganda na Libya. Iyi mikino yagombaga gutangira kuri uyu wa gatanu tariki 25 Gashyantare 2024 ikabera muri Tunisia.
